Escola de Escritura con Xabarín
Con Escola de Escritura de Xabarín aprendes de verdade a ler, escribir e debuxar! Na compaña do simpático porquiño bravo o neno será guiado a través dun percorrido de aprendizaxe rico e con dificultade progresiva: ademais da actividade de preescritura atopará o alfabeto, os números, as palabras e moitas figuras para debuxar.
Todas as actividades poden ser desenvolvidas sobre encerados "escribe e borra" grazas ao rotulador borrable, co que o neno poderá tamén debuxar liberando a súa creatividade.
Finalmente, para aprender novas palabras o neno atopará tamén o gran crebacabezas dos ambientes que lle ensinará o nome de moitos obxectos e animais da granxa, da cidade, da praia e do bosque.
Onde conseguir esta proposta
Dado que Galileo Nenos non está en activo, este xogo só se pode conseguir en xoguetarías e librarías que aínda o teñan en stock.