Afouta
A marca Afouta nace no berce da empresa Solución Gráficas Impregna S.L. como forma de expresión propia dos seus creadores, esta marca inspírase na cultura galega. A súa primeira liña de roupa amosa claramente o seu sentimento de admiración pola terra, apoiandose en elementos propios, como é a paisaxe e personaxes significativos da cultura.
Esta nova marca de roupa conxuga o espírito de orgullo do propio cunha estética refinada e ben traballada, tentando que as mensaxes teñan transcendencia pero tamén claridade, que sexan facilmente interpretadas polo publico. Demostran dunha vez por todas que a moda é moito máis que unha prenda “bonita”, senón que tamén pode ser conceptual.
