Urco Editora. Unha proposta de Agasallo.eu

Rúa do Avío 11, baixo. 15705 Santiago de Compostela
T. 981 576 883 / 604 006 961 / 615 451 703
Email
Web

Urco editora é unha empresa editorial nacida en 2007 que veu encher un oco histórico no sistema literario galego: a publicación sistemática e especializada de literatura de fantasía, ciencia ficción e terror. Até agora a escasa presenza destes xéneros na literatura traducida estaba fragmentada en distintas editoriais e coleccións, catalogada especialmente baixo os criterios de «clásicos» ou de «literatura xuvenil». Por isto Urco foi pioneira na achega sistemática destes tres xéneros ao público galego. Co tempo, a criatura foi medrando e abranguendo outros ámbitos como o do ensaio, a literatura infanto-xuvenil e os xogos de mesa.

Coleccións:

Tradución. Urco naceu coa determinación de traer os mellores clásicos do xénero fantástico á nosa lingua, así como as obras contemporáneas máis senlleiras.

Urco Gótica. Literatura traducida de xénero gótico e terrorífico.

Urco Fantasía. Colección dedicada á literatura traducida de xénero fantástico.

Urco Ciencia Ficción. É o fogar das obras traducidas do xénero de anticipación e de ficción científica.

Alcaián. A colección Alcaián nace en 2010 para dar cabida a aqueles textos escritos en galego que se adscriben nos xéneros nos que se especializa a editora.

Biblioteca Niké. A Biblioteca Niké de versos, vidas e pensamento é unha colección que nace paralela ao proxecto central da editorial para dar unha saída a certos proxectos que, malia que afastados da liña principal e histórica de Urco, consideramos moi interesantes ou fundamentais para a cultura do país.

Urco Infantil. Esta colección está pensada para cubrir o único segmento de idade ao que a nosa editora aínda non chegaba: o dos primeiros lectores.

Contos Estraños En 2015, a editorial Contos Estraños, destacada pola súa publicación trimestral homónima que homenaxea os pulps norteamericanos de comezos do século XX, pasa a integrar un selo de seu dentro de Urco editora.

Urco Xuvenil. Ante a demanda de literatura fantástica por parte de xeracións cada vez máis novas, en 2014 nace a colección Urco Xuvenil, na que se publican textos destes xéneros orientados aos lectores que se achan nas distintas etapas do ensino secundario.

Series e sagas. Malia que non se trate dunha colección de seu, non podemos negar que a literatura fantástica componse en gran medida de triloxías, pentaloxías e toda clase de series e sagas de libros.